文／彭賢祥，大湖客家人，這下戴大溪（四縣腔）
客家人大體仔係歇在偎山个所在，故所會摎歇山項个原住民來往，這兜來往包括：語言、耕種、婚姻…等，甚至食雜、絡食个方法乜互相來影響，比論講這種薑嫲、種李仔，這兜係共樣个絡食一技能，毋過像種山胡椒、高梁、小米、紅藜、洛神花，這兜就係原住民較在行个作物，乜係佢兜特殊个農產品，這下當多專家去研究，這兜農產品對人个身體，有盡多个好處。
吾老屋禾埕脣項，五年前有種帝王柑，因為樹頭下个樹皮分山牛牯咬著疤疤，會在該樹頭下生卵生蟲做竇，該蟲仔會摎該樹仔蛀忒，柑仔樹裡肚像開山路樣仔，彎來彎去个空，用鋸仔鋸斷來，成時仔還看得著，趖來趖去个白蟲仔，就係因為恁樣个情形，柑仔樹个葉仔緊來緊黃，下後皮嗄變到燥絲絲4,盡尾歸頭樹仔葉仔跌淨淨死忒。正決定愛摎這死忒个柑仔樹鋸忒，來種兜養生个植物保養身體，像紅藜、薑黃、枸杞、洛神花這兜就係養生个植物，順續仔來運動，恁樣放尞个時節，轉去大湖山項就有事好做了。
老屋係在鷂婆山个對面，故所𠊎摎吾个耕種个地方，安到「鷂婆山養生農場」，舊年年正過啊忒，𠊎上網尋紅藜對身體好處个時節，嗄發現著係台東原住民个農產品，毋單淨恁樣還做得拿紅藜仁，𠊎就當暢寫信仔去台東農會推廣股，摎佢討毋使錢个紅藜仁來種，舊年年下个時節，就在陽台項用培養盤來點仁，一格點三粒，過吔大約成十日仔，該培養盤个格仔肚，看著暴芽綻筍，續等就生葉抽高，差毋多在十過公分高，𠊎就在新曆一月初一，徙轉鷂婆山養生農場種，經過吔半隻月 ，葉仔變大皮吔，心係紅色个，心肝肚想變大頭以後，一定當靚當好食，吂知二月初轉老屋時節，看著分鳥仔觜忒伸短短个梗，心肝肚个熱情冷忒吔，愛仰結煞正好呢？
想來想去還係毋甘願，就來換種方式來種，直接在原來个窟仔肚點紅藜仁，過吔一隻月後，分鳥仔食伸个還有兩頭，𠊎就拿樹梗仔圍等，頭下挷草落火𤊶泥6做肥料，看著緊來緊高，尾項墜下去長長一串，紅紅細細粒仔，連該根乜係紅色个，歸串仔紅紅實在當靚，這就係𠊎愛尋个「紅寶石」。
華語
客家人大部分是住在靠山的地方，所以會跟住山頂上的原住民來往，這些來往包括：語言、耕種、婚姻…等，甚至飲食、謀生的方法也互相來影響，比方講這種薑、種李子，這些是一樣是謀生技能，不過像種山胡椒、高梁、小米、紅藜、落神花，這些就是原住民比較內行的作物，也是他們特殊的農產品，現在很多專家去研究，這些農產品對人的身體，有很多的好處。
我老家前面廣場旁邊，五年前有種帝王柑，因為樹根部的樹皮被天牛咬到很多洞，會在那棵樹根部生蛋長蟲做窩，那幼蟲會把那棵樹蛀掉，橘子樹裡面像開路一樣，彎來彎去的洞，用鋸子鋸開來，有時候還看得著，爬來爬去的白蟲，就是因為這樣的情形,橘子樹的葉子愈來愈黃，最後樹皮會變得乾乾的,甚至整棵樹會落葉死掉。才決定要把這死掉的橘子樹鋸掉，來種些養生的植物保養身體，像紅黎、薑黃、枸杞、落神花就是養生的植物，順便來運動，這樣放假的時候，回去大湖山上就有事可以做了。
老家是在鷂婆山的對面，所以我把我的耕種的地方，叫著「鷂婆山養生農場」，去年年才剛過完，我上網找紅藜對身體好處的時候，才發現到台東原住民的農產品，不單單這樣還可以拿紅藜種子，我就很高興的寫信去台東農會推廣股，跟農會要免費的紅藜種來種，去年年底的時候，就在陽台上用培養盤來播種，一穴放三顆，過了大概十多天，那培養盤的格子裏，看到發芽長筍，接著就長葉拉高，差不多在十多公分高，我就在國曆一月一日，一回鷂婆山養生農場種，經過了半個月，葉子變大片了而心是紅色的，心裡在想變大顆以後，一定是很漂亮很好吃，誰知二月初回老家的時候，看到被鳥吃掉剩下短短的梗，心理的熱情冷卻了，要怎麼辦才好呢？
想來想去還是不甘願，就來換種方式來種，直接在原來的洞裡播紅藜種，過了一個月後，被鳥吃剩下的還有兩顆，我就拿樹枝圍著，根部拔草放火灰泥當肥料，看到愈來愈高，尾巴垂下來長長的一串，紅紅小小顆，連那個根也是紅色的，整串紅紅的實在漂亮，這就是我要找的「紅寶石」。