文／温威程，高中生，彰化縣溪州鄉客家人，感謝李怡蘋先生指導寫作（四縣腔）
對國小六年生到高中一年生，𠊎參加過四擺个客語情境式演講，頭擺對客語無麼个興趣，練習个時節都當懶尸。毋過，國中畢業个暑假，轉到國小做細先生教細人仔客語个時節，看著佢兜當煞猛學習，分𠊎愐想著客語係一個當重要个語言，𠊎想愛摎客家話傳承下去！
吾國小人盡少（無到30儕人），又加上係客語學校，對四年生開始，學校主任就分𠊎參加比賽，對一開始个朗讀到現下參加第四擺个「情境式演說」。國小有好个環境來練習，該央時毋知頭天，生活過到當快樂，毋過第一擺參加比賽無經驗，又愛在生份人面前演講，上台个時節，身體都在該激激顫，在台頂个𠊎就想「阿姆哀唷，仰仔2分鐘盡像10分鐘恁長」，淨想愛遽遽結束。
升上國中，因為先生个安排，繼續參加。該時當疑狐，毋知做麼个愛參加比賽，練習个時節就試著時間仰仔恁慢。一𥍉目，比賽个時間到了，這擺練習毋係盡認真，淨會用一句諺語「人無千日好，花無百日紅」淨得著甲等定定。
現下既經係高中生，國小就當照顧𠊎个先生「Angel先生」，暑假帶𠊎參加盡多活動，像轉到國小做志工、跈等學長到台中東勢，感受臺中醹醹个大埔腔。過程中漸漸仔對客家話緊來緊有興頭。
為着2024年个全國語文競賽，逐日都當煞猛練習，睡目个時節還會愐：「這擺愛過較認真，得著特優！」雖然有時節，還係試著自家無像都市个細人仔有恁多資源，無像客家莊个細人仔，做得摎客話講到恁滑溜。毋過有先生个做伴同鼓勵，對台頂下來該央時，心情像天轉笠嫲花，因為𠊎做著了，𠊎戰勝自家心肚个驚，無像頭擺恁畏羞了。
行出比賽个所在，遠遠就看著吾个先生企在該等𠊎，手項拿等手機仔紀錄个畫面，目珠紅紅同𠊎講：「阿威，你當湛斗，你分𠊎試著當感動！」該下有當多話想愛講，毋過，盡驚吂講煞，吾个目汁就會溚溚跌了。
從第一擺到這擺比賽，對頭擺抓無頭䌈到這下確定目標。這四年，逐擺出去累積經驗，逐擺上台前个慌張，都變做𠊎下二擺愛做先生个志向，愛感謝逐儕同𠊎𢯭手、指導𠊎个先生，無論係國小主任分𠊎有機會參加比賽，抑係帶𠊎行到這位个Angel先生。每一個階段、每一擺打拚，都係盡感恩个。先生帶分𠊎个毋單淨係未來个路，還有當多做人處事个道理，在這兜過程，學著盡多，做得增添自家个能力，感受著當多用心同𢯭手。
客語係𠊎个開始，希望自家成為一個客語先生，摎先生教𠊎个傳承下去。
華語
自國小六年級到高中一年級，我參加過四次的客語情境式演說，起初對客語沒太大的興趣，練習的時節都很懶惰。不過，國中畢業的暑假，回到國小做小老師教小朋友客語的時候，看到他們很認真學習，讓我發覺客語是一個很重要的語言，我想將客家話傳承下去！
國小人數不多（不到30人），又加上是客語學校，四年級開始，學校主任就讓我參加比賽，從一開始的朗讀到現在已經參加第四次的「情境式演說」。國小有好的環境來練習，那時天不怕地不怕，生活過得很快樂，但在第一次參加比賽，沒有太多的經驗，又因為第一次在陌生人面前演講，身體直顫抖，在台上的我心想「我的天啊！怎麼2分鐘好像10分鐘」，只想趕快結束下台。
升上國中，因為老師的安排，繼續參加。國中的時候很疑惑，不曉得參加比賽的意義，練習的時節就覺得時間怎麼那麼慢。一眨眼，比賽的時間到了，這次練習沒有努力，只會用一句諺語「人無千日好，花無百日紅」，僅甲等。
現在已是高中生，國小就很照顧我的老師「Angel老師」，暑假帶我參加盡多活動，像:回到國小當志工、跟著學長到台中東勢，感受臺中濃濃大埔腔，過程中漸漸地對客語越來越有興趣。
為了2024年的全國語文競賽，每天都很拚命練習，睡覺時還會想著：「這次要更認真，拿到特優！」儘管有的時候，還是認為自己沒有像都市學生一樣多的資源，不像客家莊的小孩，可以把客話講得很流利。不過有老師的陪伴及鼓勵，在全國賽的台上下來，心情無比雀躍，因為我做到了，戰勝以往對比賽的畏懼，能夠放開自我。
走出比賽場所，遠遠就看到老師等著我，拿著手機紀錄的畫面，雙眼泛紅說道：「阿威，你很棒，我覺得很感動！」當時的我有很多話想說，就怕還沒講完，眼淚也會隨著眼旁滑出。
從第一次到這次比賽，對於過往的迷惘到現在確定目標。這四年，每一次到各處累積經驗，每一次上台前的慌張，都成為我未來要當老師的志向，要感謝幫助我的大家、指導我的老師，不論是國小主任打開我的天窗，或是帶我行走到現在的Angel老師。每一個階段、每一次的努力，都是心存感激。老師帶給我的不僅是未來的道路，更多的是做人處事的道理，在這些過程中，學習到許多增進自己的能力，感受到許多用心及幫忙。
客語是我的開始，希望自己，成為一位客語老師，將老師教我的道理一一傳承下去。